Seilugrandi 5, 107 Reykjavík

Borg fasteignasala kynnir í einkasölu: Rúmgóð og björt 115,6 fermetra fjögra til fimm herbergja íbúð á tveimur hæðum, efstu hæð og risi, á þessum vinsæla stað í Vesturbænum. Tvö svefnherbergi, bað og hol á efri hæð og eitt herbergi, eldhús, baðherbergi og stofa á neðri hæð ásamt skjólgóðum útsýnissvölum. Efri hæð er mikið undir súð og er gólfflötur þess vegna stærri en skráðir fermetrar segja til um. Stæði í bílageymslu fylgir ásamt 5,6 fermetra geymslu í kjallara. Mikið útsýni, birta og góð nýting einkennir íbúðina. Neðri hæð.   Gengið er inn í parketlagðan gang með fataskáp. Úr gangi er gengið í rúmgott svefnherbergi með fataskáp og parketi á gólfi. Gangurinn er opinn til stofu. Stofan er björt.  Gott útsýni. Parket á gólfi. Svaladyr eru úr stofu, en svalir eru stórar og skjólgóðar.  Eldhús er stórt með góðri viðarinnréttingu. Gott borðpláss er í eldhúsinu og mikil birta frá stórum gluggum þar sem er gott útsýni. Baðherbergi er rúmgott með  fallegri innréttingu, flísalögðu gólfi og veggjum.  Baðkar.  Efri hæð. Úr stofu er hringstigi upp á rishæðina. Komið er í hol sem nýtist sem vinnuaðstaða eða mögulega sjónvarpsrými.  Stórt herbergi með góðum skápum, tveimur þakgluggum og stórum gluggum í enda er í öðrum enda rishæðarinnar. Í hinum enda er snyrting með flísum á gólfi þar sem eru þvottavél og þurrkari, og rúmgott herbergi með þakglugga. Parket er á gólfum í holi og herbergjum. Sameign hússins var endurnýjuð að mestu fyrir nokkrum árum og lítur vel út. Fyrir nokkrum árum var húsið var sprunguviðgert og málað.    Á jarðhæð er 5,6 fermetra sérgeymsla, rúmgóð hjólageymsla og gott þvottahús með þurrkaðstöðu. Stæði í bílastæðahúsi fylgir eigninni. Nánari upplýsingar veitir Börkur Hrafnsson , í síma 8924944, tölvupóstur [netfang varið].