Brávallagata 24, 101 Reykjavík

Fasteignasalarnir Vernharð Þorleifsson og Magga Gísladóttir kynna heillandi þriggja herbergja ris íbúð í þríbýlishúsi við Brávallagötu 24. Skv. skráningu HMS er íbúðin 86 fm og er 8,8 fm geymsla á jarðhæð innifalin í þeirri stærð. Gólfflötur íbúðarinnar er meiri þar sem svefnherbergin, baðherbergið og eldhúsið eru að hluta til undir súð. Frekari upplýsingar veita Vernharð Þorleifsson löggiltur fasteignasali í síma 699-7372 / [netfang varið] og Magga Gísladóttir löggiltur fasteignasali í síma 698-7494 / [email protected] Kíktu í heimsókn til okkar á Facebook eða á Instagram Eignin skiptist í forstofu, borðstofu, stofu, tvö svefnherbergi, eldhús og baðherbergi. Fallegt viðarparket er á öllum gólfflötum nema á baðherberginu þar sem gólfið er flotað og lakkað. Á jarðhæðinni er 8,8 fm. geymsla sem tilheyrir íbúðinni. Fyrir framan húsið er sameiginlegur sólpallur og í bakgarðinum er sameiginleg hjólageymsla. Eignin hefur fengið talsverðar endurbætur seinustu ár og þar er helst að nefna að nýjar skólplagnir voru lagðar 2006, þakið var endurnýjað 2020 og skipt var um öll gler og gluggalista. Baðherbergið var endurnýjað 2023 auk þess sem neysluvatns lagnir og megnið af ofna- og rafflögnum voru endurnýjaðar. Hverfið er einstaklega barnvænt og gatan er róleg einstefnugata. Um er að ræða sjarmerandi íbúð í húsi sem hefur fengið gott viðhald á síðustu árum. Einstaklega snyrtileg aðkoma er húsinu bæði að framan og í gegnum bakgarðinn. Frábær staðsetning á eftirsóttum stað við Brávallagötu þaðan sem stutt er í alla helstu verslun og þjónustu sem Vesturbærinn og miðbærinn hefur uppá að bjóða. Skólar á öllum stigum í göngufjarlægð ásamt fallegum hjóla og gönguleiðum.